Roepingsverklaring
God het ons na ‘n verhouding met Hom geroep en nou stuur Hy ons uit as Sy verteenwoordigers.
NG Kerk Queenswood word deur God gestuur om ‘n verskil te maak in die wêreld: spesifiek in die woonbuurte Queenswood, Kilner Park en Colbyn.
Ons glo dat die Heilige Gees ons daarmee help.
Ons aanvaar die groot aantal tehuise, skole en woonstelblokke in die omgewing as uitdagings waartoe God ons roep.
As deelnemers aan die gereformeerde tradisie is ons geroepe om lidmate in die Woord van God te vestig en dissipels te maak: mense wat toegerus en gemotiveerd is om uit te gaan.
Langtermyn doelwitte
1. Vestiging van ‘n gebedskultuur in die gemeente wat gedurig beoefen word onder leiding van die Heilige Gees en deur te wandel in die Woord.
2. Besluitneming,
organisasie en beplanning in die gemeente vind geloofsonderskeidend plaas, onder leiding van die Heilige Gees en
op basis van ‘n bestuursplan.
3. Uitlewing van die liefdesgebod teenoor mede-lidmate en mense in die
gemeenskap. Die vrug van die Gees is ons ideaal.
4. Beweeg
weg van ‘n kultuur van instandhouding, na ‘n gemeente-kultuur van gestuurdheid.
5. Koester en bevorder gasvryheid, veral teenoor vreemdelinge.
6 . Vestig ‘n kultuur van liefdesdiens, waardeur God se liefde sigbaar word.
7. “Sola
Scriptura” is ons doel en strewe! Die Skrif
alleen is die norm vir ons denke, gesindheid, woorde en dade.
8. Om
vreugdevolle leerlinge en
lewenslange volgelinge van
Jesus Christus te wees.
9. Ontwikkeling van kleingroepe en Bybelskool op so ‘n wyse dat deelnemers diep gewortel word in ‘n Bybelse manier van dink en doen.
Ons droom...
Ons
glo God is die Bron van 'n lewegewende en genesende stroom water in ons
gemeenskap.
Hy maak die onmoontlike moontlik en gee oorvloed, selfs op onwaarskynlike plekke.
Ons verwonder ons daaroor en droom daaroor om te werk waar God reeds werk